حكاية صدفة

حكايات_منار 
حكاية صدفة 
منة يا سندس علشان خاطرى وافقى 
سندس اوافق على ايه انا
واحد زميلك فى الشغل طلب من واحدة زميلتكم تجس نبضك علشان عايز يتقدملك رفضتى 
وهو عايز يتكلم معاكى علشان يعرف ليه 
مالى انا بكل ده
يعنى هو عايز يتقدملك وانتى مش عايزة 
بتدخلينى فى ليلة مش ليلتى ليه يا منة
منة مش عارفة اقوله ايه
انا مبعرفش اتكلم وهعك الدنيا
انا قولتلها تخليه يكلمنى فى الموبايل علشان اخليكى انتى اللى تكلميه لأنى مش هعرف اقوله جملة مفيدة
سندس وانا اللى هعرف اقوله يعنى
منة ايوه انتى بتعرفى تتكلمى 

كمان احمد لو عرف انى كلمته هيقفش
سندس ما يقفش لا بجد ما يقفش 
ونفرح بيه وهو قافش يمكن ياخد خطوة بقى 
ولا هيفضل يحبك فى صمت وعامل فيها ابن عمك وخلاص وهو بيتحكم فيكى تحكم ميتحكموش واحد متجوزاه ومخلفة منه اربع عيال اتنين منهم توأم
منة ميهونش عليا يزعل 
ومش هخليه يتقدملى علشان ضغطت عليه
سندس اه وهتفضلى ترفضى ناس من غير ما حتى تشوفيهم علشانه
واخرتها اهو رفضتى ان زميلك يتقدم حتى علشان ميزعلش لما يعرف
واخرتها ايه بقى هنفضل مستنينه كتير يعنى
منة هو اكيد عنده اسبابه اللى مخلياه مخدش خطوة لحد دلوقتى 
سندس انتى حتى مبتسأليهوش ليه مبياخدش خطوة 
منة من غير ما اسأله هو اكيد هياخدها من نفسه وقريب كمان
سندس انتى حرة يا منة انا خلاص مش لاقية حاجة اقولهالك
منة متقوليليش انا قولى لزياد
سندس زياد مين
منة زميلى اللى كان عايز يتقدملى
سندس واقوله انا ليه ما تقوليله انتى
منة مش هعرف غير ان احمد هيزعل لو عرف انى كلمته
انا اساسا مش هعرف اتكلم معاه
سندس وانا يعنى اللى هعرف اتكلم معاه على انى انتى وانا اساسا معرفوش
منة هتعرفى يا سندس انتى الكلام بالنسبالك لعبتك ومفيش اسهل منه
انما انا لبخة وهبوظ الدنيا
علشان خاطرى وافقى علشان خاطرى علشان خاطرى 
سندس طيب خلاص كفاياكى زن
وده هقوله انك رفضتيه علشان احمد
منة بسرعة لا طبعا قوليله اى حاجة تانية 
سندس حاجة تانية زى ايه
منة اى حاجة وانتى هتغلبى يا سندس...ده بيرن خدى ردى
منة ايه دلوقتى
منة ايوه انا هفتح ردى
زياد الو منة معايا 
سندس لا...قصدى مين معايا 
زياد انا زياد يا منة انا خدت رقمك من جروب الواتس بتاع الشغل رقية قالتلك انى هكلمك النهاردة صح
سندس قالتلى اه 
زياد هو انا ممكن اعرف انتى رافضة انى اتقدملك ليه
سندس عادى الحاجات دى بتبقى نصيب 
زياد والنصيب ده بيكونله اسباب
ايه اسبابك يا منة
سندس احنا مش مناسبين لبعض
زياد ليه فرق السن بنا خمس سنين ده فرق مناسب جدا
سندس مش مشكلة سن
زياد انا شاطر فى شغلى واقدر افتح بيت وراجل وقد المسئولية وتقدري تسألى عنى اى حد فى الشركة 
سندس مش دى الحكاية 
زياد اومال ايه الحكاية 
سندس اااا...انا مش متخيلانا سوا انت بعيد عن الانسان اللى انا محتاجاه
زياد ليه ان شاء الله محتاجة ايه مش فيا
سندس مواصفات 
زياد مواصفات ايه دى
سندس مواصفات وخلاص
زياد هو ايه اللى مواصفات وخلاص 
انتى عارفة كام بنت فى الشركة تتمنى اعرض عليها اللى عرضته عليكى 
تعرفى كام بنت فى الدنيا تتمنى تبقى مكانك
سندس معرفش ومش عايزة اعرف
زياد انتى مش شايفانى شاب مفيش منه والبنات بتجرى وراه 
سندس وانت سيبت كل البنات اللى بتجرى وراك دول وبتجرى ورايا انا ليه اقولك ليه علشان انا مبجريش وراك مبحاولش الفت انتباهك زيهم فعلشان كده لفت انتباهك 
واول ما اتعلق بيك واجرى وراك انا كمان تزهدنى وتروح تدور على صيدة جديدة 
زياد مش هعمل كده
سندس ولو فرضنا انك ملاك وبجناحات وجناحاتك هتدخل فى عينيا اهيه
البنات مش ملايكة بجناحات هيفضلو بيجرو وراك ولا هيفرقلهم

انك