حكاية صدفة

فى حاجة
اللى مهم يكون يليق بيها هو انت وقلبك يا احمد
وعادى جهز نفسك فى الخطوبة وقتها يبقى طبيعى تستناك
انما قاعد تجهز نفسك مع نفسك كده
وسايبها هى ده يتقدملها وده امه تتكلم مع ماما عليها وده يفاتح بابا فى انه عايزها لابنه
تبقى فى الأخر هتروح تبارك فى فرحها يا احمد
احمد بانفعال ابارك فى فرحها ايه انتى هبلة بقولك بحبها يعنى فى فرحها ده انتو اللى هتباركولى لأنى هبقى العريس 
اختك مش هتكون عروسة لحد غيرى ده على جثتى انه يحصل 
سندس خلاص يا احمد اهدى 
احمد اهدى ايه بالهبل اللى انتى بتقوليه ده 
ومنة ازاى متقوليش ان فى ناس بتتقدملها هى اختك دى غبية 
سندس تفتكر الغباء منها علشان مرضيتش تقولك علشان متزعلكش وكانت بترفضهم وخلاص
ولا منك علشان كنت مفكرها هتفضل العمر كله معانا فى البيت لحد ما تظبط كل امورك
احمد لا طبعا هى اللى غبية ولما متقوليش وعمى ميقبلش برفضها ويجبرها على حد اعمل ايه انا ساعتها اقتله وادخل السچن بدل ما ادخل دنيا معاها
علشان متزعلنيش لما تقولى تزعلنى العمر كله لو معرفتش ترفض فى مرة 
اختك دى بتفكر ازاى
سندس وهى بتضحك والله انا لا عارفة هى بتفكر ازاى ولا عارفة انت بتفكر ازاى وحقيقى ما جمع الا ما وفق فيكو غباء من بعض
لايقين على بعض جدا
احمد بابتسامة بجد انا ومنة لايقين على بعض
انا برضه شايف كده
يخلص فرح كرم وبكرة هقول لبابا انى عايز اخطب منة ولا اقوله دلوقتى اروح اقوله دلوقتى 
سندس وهى بتضحك ايه الحماس الأوفر ده
يعنى هو انت يا تفضل سنين مستنى يا تتكلم فى فرح كرم معندكش وسط
استنى يا احمد وعدى النهاردة وكلم عمى بكرة ولا بعده
احمد بحماس بكرة من النجمة هتكلم مع بابا
منة بسعادة احمد قالك انه بيحبنى 
سندس يا منة دى المرة العشرين تسألينى فيها نفس السؤال واقولك ايوه 
والله العظيم قالى انه بيحبك وانه هيكلم عمى بكرة فى انه عايز يتقدملك
منة مش مصدقة نفسى اخيرا بقى
عارفة ساعات كنت بخاف يكون معتبرنى بنت عمه وخلاص وابقى انا لوحدى اللى بحبه
سندس مصر كلها عارفة انه بيحبك دى مرتبة سريرك اللى انتى قاعدة فوقها دى عارفة انه بيحبك 
كان باين عليه جدا يعنى وده اللى شجعنى اتكلم معاه
منة ولو كان قالك انى شايفنى بنت عمه واخته عادى كنتى هتعملى ايه 
سندس كنت هخليكى تعرفيه ولاد العم والاخوات بيتعاملو ازاى
وكنت هخليكى تبطلى تفكرى فيه وترفضى ناس متترفضش علشانه 
مش هسيبك توقفى حياتك عليه
منة بس انتى بتحبى احمد
سندس بحبه طبعا بس بحبك انتى اكتر
انتى مش بس اختى الوحيدة يا منة انتى حتة من روحى حتة من قلبى انا بحس ان انا اللى اختك الكبيرة ومسئولة عنك وحقيقى بخاف عليكى واكتر ما بخاف على نفسى كمان 
منة ربنا ما يحرمنى منك يا حبيبتى 
سندس ولا يحرمنى منك يا قلبى
منة احمد هيتقدملى واخيرااااااا بقى
سندس وهى بتضحك لقد هرمنا من اجل هذه اللحظة 
ربنا يتمملكم على خير يا حبيبتى 
منة بسعادة يا رب يا سندس يا رب
بعد اسبوعين 
منة سندس اصحى سندس قومى بقى 
سندس فى ايه يا منة سيبينى انام شوية 
منة زياد بيرن عليا
سندس زياد مين
منة زميلى فى الشغل اللى كان عايز يتقدملى 
سندس وهى بتحط المخدة على ودانها طيب ردى عليه بس اطلعى ردى بره وسيبينى انام
منة وهى بتشيل المخدة من على دماغها قومى ردى عليه وشوفيه عايز ايه
سندس طيب ما تردى عليه انتى وتشوفيه عايز ايه...اهو بطل رن سيبينى انام بقى
منة بيرن تانى قومى ردى عليه

يا