ممكن دقيقة والدقيقة بقت عمر

من هنا 
استحيلي عليا شوية 
نفخت اوف لو سمحت تعال خرجني من هنا 
لا مش عجباني دي 
طب اقولك اي عشان تتنيل تخرجني 
قوليلي من فضلك 
نزلت و وقفت قدام بوابة المدرسة كان في سور بإنحناء واطي شوية قولتلها طريقة و كنت ماشي معاها في اتجاه 
هاتي ايدك و نطي ع طول
مسكت ايده و كنت هنط 
حاسبي حاسبي 
ابعد يا حيوان يال متربتش يا اب...
بص لعيني و كنت اول مرة اعرف ان طوله حلو كده و عيونه احلي لدرجة اني سرحت ششش اسكتي انا غلطان اصلا و حيوان ان لحقتك قبل ما تقعي ع الطوبة دي كانت فتحت دماغك و خلصنا منك 

فوقت من سرحاني معرفش قال اي اصلا سابني و مشي و مشيت وراه طب الساعة كام طب فيه مواصلات دلوقتي ! انا عايزة اروح البيت جعانة اوي و عايزة اشرب شاي و ..
دماغي
لو تحبي ع ما يطلع النهار تعالي اقعدي عندي في البيت 
صوتي عالي ليه شايفني ازاي لا بقولك فوق لنفسك بدل ما افوقك و ....
ما خلاص بقا ميبقاش قلبك اسود راعي ظروفي طيب !
خلاص تعالي اقعدي في مدخل البيت فيه اوضة جوا حلوة و خدي مفتاحها و اقفلي عليكي للصبح عشان محدش يزعجك 
بصتله بإمتنان و احراج شكرا جدا يا بحر شكرا بجد 
لا و النبي الرقة دي م متعود عليها 
بصتله و كشرت و مشيت وراه غبي و رخم و سذج و ..لا بس قمر و طويل و شهم كده و عجبني و دخل دماغي كده كفاية انه اكتر حد ببقي ع طبيعتي و هو موجود لا يا موج ما انتي ع طبيعتك قدام كله يلا مش مهم .
دخلت الاوضة و قفلت عليا كانت اوضة هادية و فيها تلفزيون نمت ع السرير و قعدت اسمع اي مسلسل مش جايلي نوم كفاية النوم ال نمته ده غيبوبة و عهد الله .
لقيت الباب بيخبط قمت جري وقفت وراه 
ايوة !
افتحي دقيقة 
ليه ! عايز ايه ! و جاي ليه ! و ..
عملت ليكي سندوتشات لاني مش بعرف اطبخ و عملتلك شاي قولت عشان متناميش جعانه
غبي بس حنين فتحتله الباب و اخدت منه الصينيه ال كان شايلها و لسه همشي 
بحر هو انت ممكن تقعد معايا لحد ما آكل 
ليه لسه صغيرة و مش بتعرفي تاكلي لوحدك !
بصتله بحزن و زعلت خلاص تمام م عايزة حاجه و شكرا ع الاكل و كل حاجه
هي ازاي بتقدر تحولني كده و محبش اشوفها تزعل خلاص اوعي خليني ادخل و
هقعد لحد ما تاكلي بس 
قعدت معاها و كانت مركز في تفاصيلها وهي بتاكل و بتضحك مع المسلسل تفاصيل ضحكتها بتخطفني كده و تخليني انفصل عن العالم كله حواليا يمكن اول مرة ابقي حابب اركز في ملامح
واحدة بالشكل ده او جايز عشان مفيش واحدة كانت بتتعب قلبي قدها و صعبة ف تعاملها و حنينة و رقيقة في اوقات كتيرة من وقت ما شوفتها و انا حابب اشوفها دايما قدامي و كنت بحب اضايقها عشان اشوف الطفبة العنيدة ال جواها و اشوف ملامحها عن قرب وهي متعصبة و حبها للطلبة بتوعها و حبهم لها هي تافهه اها بس خطفت قلب راجل .
انت معايا 
و حابب اكون معاكي اها كنت بتقولي ايه 
بقولك انت عندك موتسيكل صح 
اها ليه !
ممكن توصلني النهار بدأ يطلع و بكرا اجازة 
خلصتي آكل !
اها 
طب يلا هاتي حاجاتك و تعالي اوصلك
انتي نمتي تاني ولا ايه 
ابتمست لا صاحية 
ما تيجي نتجوز و اجبلك بيت كبير تفضلي تمشي و تنامي في اي مكان يقابلك فيه و اهو ارحمك من النوم في المواصلات و المدرسة .
اتكلمت بسرعة لا طبعا 
ايه السرعة دي ليه رفضتي مرة واحده !
انا كنت واعدة نفسي اني اتجوز واحد عن حب كبير و احكي لاحفادي بقا قصة حبنا و معافرتنا هقولهم ايه بقا لو اتجوزتك بالنسبة لقصة حبنا ف احنا هنلغيها .
قوليلهم بدأت من جملة واحدة !
ايه هي 
ممكن دقيقة و الدقيقة بقت عمر ! 
موافقة