رواية إبني بقلم هويدا زغلول

الاول
السلام عليكم يااحلي متابعين في الدنيا يارب تكونوا بخير وسعاده وراحة بال انهارده جيبالكم قصة احداثها حقيقيه وحصلت بالفعل بس في الاول نصلي علي رسولنا الكريم اللهم صل وبارك عليك ياشافيعي يا رسول الله ومننساش الايك ياحبيبي قلبي ودلوقتي يلا بينا نبدا حكاينتا
وقبل ما نبدأ حكايتنا هنتعرف علي بطل قصتنا زي ما احنا ما متعودين مع بعض والنهارده بطلة قصتنا اسمها سعاد وعندها سنه جوزها قابل وجه رب كريم من عشرين سنه وكان ابنها زين في الوقت ده عنده 10 سنين واللي حصل وقتها..

كانت سعاد قاعده مع اخوها وامها بعد جوزها ما قابل وجه رب كريم وقالت روحيه امها..
روحيه
اسمعي كلامنا يا بنتي وبدل ما تضيعي حياتك عليه ولا حد هيشكرك سبيه لجدته وعمه يربوه وانتي صغيره تعالي والف مين يتمناكي...
سعاد بحزن
لا يا ماما انا مش هتجوز ومش هسيب ابني وهفضل معاه عمري كله وانتي شايفه جدته ولا عمه حنينين اوي عليه ده يا حبيبي لولا اني معاه ما كان حد عامله كويس..
عادل 
يعني ده اخر كلام عندك يا سعاد انتي هتفضلي هنا لوحدك في شقة جوزك..
سعاد 
الشقه دي شقة ابني ابوه كتبها باسمه وابني عنده عشر سنين وراجل اتسند عليه بعد ربنا ما تشوليش همي انتو...
عادل 
ازاي بس ما نشلش همك. يا بنتي ده انتي اختي وفي اي وقت تحتاجي فيه حاجه احنا اهلك وموجودين..
سعاد 
ربنا يخليكم ليا وما يحرمنيش منكم ابدا..
_وبعد ما مشي عادل وروحيه ام سعاد كانت قااعده مع ابنها بيتعشو وهو كان زعلان جدا وقالتله سعاد..
سعاد 
مالك يا حبيبي مش راضي تتعشي ليه..
زين بحزن 
هو انتي يا ماما ممكن تمشي مع خالي وجدتي روحيه وتسبيني هنا عند عمي وجدتي..
سعاد 
لا طبعا يا حبيبي وحتي لو روحت هناك هاخدك. معايا انا عمري ما اسيبك يا قلب ماما..
وفي الوقت ده الباب خبط وقامت سعاد فتحت وكانت ثريا حماتها اللي قالتلها پحده..
ثريا
بقالي ساعه بخبط علي الباب ايه طرشه ما بتسمعيش..
سعاد 
انا اسفه يا حماتي والله اول ما سمعت جيت فتحت علي طول..
دخلت ثريا وقعدت وقالت
قوليلي يا حبيبتي انتي امك واخوكي جم كانو عايزين منك ايه..
سعاد 
ابدا يا حماتي كانو جايين بس يطمنو عليا وعلي زين..
ثريا 
انتي عارفه انا مقعداكي هنا ليه عشان زين ابنك لما يكبر ما يكرهناش ويقول اننا بعدنااه علي امه وهو صغير..
سعاد 
ولازمته ايه بس الكلام ده يا حماتي زكريا جوزي الله يرحمه كتب الشقه باسم زين ووصاني افضل جنبه واربيه كويس..
ثريا پحده 
وانتي بطولك ولو احتاجتي حاجه احنا نجيبلك انما تتجوزي وتقولي يا جواز وعينك تيجي علي راجل كده ولا كده يبقي انسي انك تشوفي ضفر ابنك وانتي عارفه اننا بمعارفنا لا يفرق معانا قانون ولا غيره هنخليكي تتبهدلي في المحاكم وبرضو مش هتشوفيه تاني..
سعاد بدموع 
انا راجلي ابني