بقلم إسراء عبداللطيف

أدهم و قبالتهم زينا
حاولت صفاء فتح الحديث مع زينا فتحدثت بهدوء
_ أزيك يا زينا عامله أيه !
عقدت زينا ذراعيها و هى تنظر إليها بضيق و دون أن تجيب أشاحت بوجهها بعيدا لم تستسلم صفاء رغم شعورها بالأحراج و لكنها أرادت أن تكسر حاجز الصمت و ما تحمله النفوس فتابعت 
_ قوليلي يا زينا هو أنت هتروحى مع نور علشان تزوروا ع
لم تهملها زينا فرصه لمتابعة حديثها ف وقفت صائحه پغضب 
_ كفايه بقي جايه تعيش دور الأم الحنينه معانا أنت في الأول و الأخر مرات أب سرقتى مننا أبونا
وقف أدهم محاولا أسكات زينا عندما رأي العبرات تنهمر على وجنتى صفاء ف وضع كفيه على ذراعى زينا قائلا 

_ كفايا يا زينا لو سمحتى ماينفعش كده
_ لا لا لا يا أدهم مش هى دى الحقيقه مش ه ااااه
قطع أدهم حديث زينا و صفعها بقوه على وجنتها صائحا ب 
_ أخرسى بقي قولت كفايا أنت زودتيها أوى 
تجمعت العبرات بمقلتى زينا و وضعت كفها مكان الصفعه بينما أتجهت صفاء ناحيتها بسرعه لتهدأها ناهره أدهم ب 
_ بس يا أدهم كفايا أنت أنا اللى لا يمكن أسمحلك تمد أيدك عليها 
_ لا هى لازم تفوق و تتقبل الوضع و تعرف إننا هنعيش كلنا سوا و تنسي اللى حصل ده أمر واقع و لازم تتقبه 
أبتعد زينا عن صفاء و هى غاضبه و أسرعت إلى الخارج و هى تبكى
نظرت صفاء ناحية أدهم بحزن قائله بعتاب
_ ليه كده يا أدهم روح صالحها يلا ماتنساش إنها بنت عمك و كمان اللى مرت بيه مش سهل ابدا 
حرك أدهم رأسه بالموافقه بهدوء و سرعان ما لمح نور خارجه من الغرفه و العبرات تملأ وجهها فأسرع ناحيتها و أحتضنها قائلا 
_ مش قولنا بلاش دموع يا نور أحنا عايزين جاسر يرجع مش يحس بيكى زعلانه جنبه و يرفض الحياه 
أبتعد نور عنه قليلا و رفعت وجهها ناحيته و العبرات مختزنه بعينيها قائله بضعف 
_ غص ڠصب عنى يا أدهم ماق ماقدرتش أمسك نفسي لم شوفته كده
قبل أدهم رأسها و هم يسير بها قائلا بهدوء
_ دلوقت يا حبيبتى عايزك قويه علشان هنقابل عاصم 
ثم ألتف للخلف و نظر إلي صفاء قائلا 
_ أنا هنروح نزور عمى حضرتك هتفضلى هنا مع جاسر 
_ اه يا أدهم أنا هفضل معاه روح أنت و نور و ماتنساش تعتذر لزينا 
ظلت زينا جالسه على أحد المقاعد الخشبيه و تبكى حتى وجدت أدهم و نور قادمان ناحيتها فرفعت كفيها و ظلت تجف عبراتها بسرعه 
عقدت نور حاجبيها و هى توزع نظراتها بين زينا التى واضح عليها الحزن و أدهم الذي بدا متوترا فتحدث متسائله 
_ هو هو في أيه!
أقترب أدهم من زينا متجاهلا حديث نور و أبتسم قائلا 
_أنا أسف يا زينا بس صدقينى صفاء هانم ملهاش دخل باللى عمله أبوكى لازم كمان تراعى اللى حصلها هى خسړت بنتها و ابنها التانى بصي حالته ازاى 
هزت زينا رأسها بالموافقه و تحدث قائله
_ يلا بينا علشان ما نتأخرش على بابا 
نظر كلا من أدهم و نور بتعجب على كلمة زينا و تحركا ليذهبا معها و لكن لمعت عينى نور و هى تنوي على فعل شئ لن تتراجع عنه !
جلست كلا من زينا و نور قبالة عاصم و كل منهما يدور بداخلها شيئا مختلف تماما عن الأخرى 
رفع عاصم عينيه الممتلئه بالعبرات و هو ينظر إليهم بخزي فسعلت زينا بهدوء و كسرت حاجز الصمت المسيطر على الأجواء قائله 
_ أزي حضرتك يا بابا أخبارك أيه !
تهللت أسارير عاصم و شعر ببارقة أمل فوقف و اتجه ناحية زينا و احتضنها بقوه و قبل رأسها وترك لجام عبراته قائلا بلهفه و شوق
_ كوي كويس طالما شوفتكوا الامنيه الوحيده الى اتمنيتها قبل ما اموت انى اشوفكوا و تسامحونى 
و ألتف ناحية نور و مد يده ناحيتها و هو يبتسم هاتفا من بين عبراته 
_ تعالى يا نور تعالى فى يابنتى وحشتينى اوى 
نظرت نور إلى يده الممدوده ببرود و أتجهت بنظرها ناحيته ثم وقفت و هى تحدق به ب أشمئزاز قائله 
_ مش مكسوف بعد اللى عملته ده كله جاى تقف قدامنا و كأنك ماعملتش حاجه !
تفاجأت زينا من رد نور بينما أنزل عاصم يده بحزن قائلا 
_ ن نور أنا عارف إنى قسيت عليكوا أوى بس مهما حصل أنا ماكنتش هآذيكوا رحمه هى اللى خاڤت و خدتكوا و هربت أن
قطعت نور حديثه صاړخه پغضب 
_ كفايه بقي كڈب جاى تطلع أنت دلوقت الأب اللى بيدور على بناته للأسف أنا بسببك أتحرمت من أمى و كنت عايشه ما اعرفش مين ابويا الحقيقي فكرك هقدر اسامحك بالسهوله دي تفتك