رواية عشقت جبروت الرعد كاملة بقلم اسماعيل موسي
فاهم حاجه لكن وافق
رجعت سادين على الفيلا طلعت غرفتها عقلها بيغلى من الأفكار قلعت هدومها بصت لايدها
مفيش علامه على ايدها ايد فهد إلى لحقتها من الوقعه مش هى نفس القبضه إلى مكستها قبل كده
مش ممكن تنخدع او تخلط او حتى تغلط دى مش قبضة حارسى الغامض
قضت ليتلها سهرانه لحد الصبح كانت فكرت كتير واقنعت نفسها ان إلى دار فى دماغها مجرد تخيلات ملهاش اساس من الصحه
الساعه الرابعه عصرا يوم العرس
الف مبروك سادين اتمنى لكى حياه سعيده كلها فرحه
قرأت سادين الرساله التى وردت إليها فى نفس لحظة دخول فهد مع المأذون كانت من رقم حارسها الغامض
وسط اندهاش الجميع ركضت سادين لخارج الفيلا
بانت ابتسامه مقتضبه على فم الجد ضرغام ميقدرش يفصح عن مشاعره وسط الحشد المندهش
بعدت عن الفيلا
كل إلى تعرفه انها حست ان سعادتها بتتسرق منها
ان تفكيرها ليالى طويله وشرودها مكنش لفهد كان لشخص تانى
كان عندها شك لكن الوضع اختلط عليها
الشخص الملثم كان حريص جدا حتى صوته كان يشبه فهد جسمه نسخه طبق الأصل
ولأول مره تتخلى عن خجلها كتبت عايزه اقابلك بسرعه
لكن لحد اللحظه دى مفيش فى اديها دليل ملموس يوضح يشرح رغبتها ووجهة نظرها
انتى فين
تنهدت سادين لما قرأت الرساله رحل كل ڠضبها وزعلها
انا فى الشارع هربت من الفيلا
ارجعى الفيلا يا سادين وانا هقابلك هناك
ارجع بأى وش هبص فى وش جدى ازاى هقول لفهد ايه
لأول مره تحس سادين ان فيه حد مالكها مسيطر عليها الشعور دا تعمق جواها
يمكن مشافتوش قبل كده متعرفوش لكنه مستعده تخضع لتعليماته واوامره
انا مش هسمح لأى حاجه تجرحك لكن ارجعى من فضلك
قرأت سادين الرساله هو دا حبيبى مسيطر وحنين عطوف كما تمنيته
وصلت سادين باب الفيلا كانت بتتقدم خطوه وترجع خطوه العيون مصوبه عليها
مشيت وكلها ثقه فى كلامه لان عمره ما تخلى عنها
وقبل ما حد يتكلم معاها ظهر شاب وسيم على باب الفيلا شعره ناعم مشذب بعنايه لابس بدله ماركة ارمانى ساعه أنيقه رابطة عنق لبنيه
حذاء اسود لامع من شانن
مشى بخطوات واثقه لداخل الفيلا الجد ضرغام وقف اتعكز على عصايته ومشى خطوتين لقدام
اعرفكم بحفيدى وابن اكرم الحقيقى ادهم اكرم ضرغام
حل صمت مهيب على كل الحضور اردف الجد ضرغام أنا اضطريت أخفى حقيقته لسنين خوفآ من شاهنده والى حصل بعد كده كان بناء على رغبة أدهم هو الى أصر يبقى سر لحد ما يكشف غموض مت عمه ووالده
من سنين طويله انا كنت يأست لحد ما في يوم دخلت عليه ست مريضه فى ايدها طفل
الطفل دا كان أدهم
الست قالت إن اكرم كان متجوزها فى السر بعد ما تيقن ان شاهنده مش تجيله الطفل إلى بيحلم بيه
مكنتش ناويه تعلن عن كده لحد ما المړض نهشها وحست انها ھتموت وخاڤت ان أدهم يتربى فى ملجاء او دار ايتام
والدة أدهم ټوفيت بعد ماجات عندى بأسبوع ودا إلى مخلاش حد ياخد باله
شاهنده عرفت ترتيبنا
جهاز التسجيل وقع منى لحظتها حسيت ان حياتى هتروح هدر
لكن الحمد لله الظلم حتى لو طال وقته لازم يجيله يوم وينقشع ربنا اسمه العدل والشړ مش ممكن ينتصر
لحد اللحظه الأخيره انا كتمت امنياتى جوايا حتى لما فهد طلب منى ايد سادين متدخلتش لان دى كانت رغبة أدهم
كان عايز قلب سادين يدلها عليه
قربت سادين من أدهم وهى لابسها نقابها وبكامل اناقتها وقفت قدامه
انت ابن عمى
ازاى قدرت تستخبى عنى كل الوقت ده واحنا كنا عايشين فى مكان واحد
ليه محاولتش تقولى الحقيقه
تكلم أدهم لأول مره انا مكنتش عايش معاكم انا كنت بعيد ووصلت لما جدى ضرغام طلب منى الحضور
انا حاولت اقولك الحقيقه اكتر من مره لكن انتى رفضتى يا سادين!
زعقت سادين ازاى بس
استدار أدهم ناحية باب الفيلا وزعق اتفضل يا حسام
دخل شخص أربعينى تعرفه سادين نفس الشخص إلى كان بيروحلها المكتب ويعرض عليها مقابلة صاحب الشركه إلى بيشتغل عنده نظير مبلغ من المال
ضحكت سادين من الصدممه انت كنت عارف انى مش هوافق صح
انت مكار يا ادهم جدا
دلوقتى انتى عرفتى كل حاجه يا سادين الحقيقه كلها وانا ق. إن جدي وكل الناس بطلب ايدك للجواز
ارتبكت سادين همست قرب اذن أدهم انا بكرهك
وقالت انا مليش رأى الرأى رأى جدى ضرغام!
المأذون كتب الكتاب بين أدهم وسادين وكان الشهود فهد والجد ضرغام
وقبل ما الحفله تنتهى كان فيه ضيف تانى وصل عشان يبارك ليهم
رعد
انتهت
