بغرامها متيم بقلم فاطيما يوسف

يحدثها تراه ينظر إليها نظراته المختلفة أصاب قلبها البرئ بأسهم عشقه وأصبحت في عدم راحة فأمر القلوب صعب للغاية وخاصة التى لم ترسي على بر 
ازيك يادكتورة عاملة ايه بقالي كتير اووي مشفتكيش ولا اتكلمنا مع بعض.
ابتلعت انفاسها بصعوبة تستدعي فيها الهدوء النفسي وهي في حضرة ذاك الوسيم والآن لقبها بدكتورة فعلمت أنه الآن في حالة الصفاء الذهني وهو في تلك الحالة بالتحديد تحسد حالها على الجلوس معه وأنه انتقاها خصيصا عن حسناوات النساء وهو يحبذ الجلوس معها فرددت سلامه بنبرة رقيقة أثرته 
الحمد لله يادكتور فارس كيفك انت 
استأذنها في الجلوس برقي 
يارب دايما ممكن اقعد 
راق لها تأدبه معها فأشارت إليها بابتسامتها الهادئة التي ملئت فمها وأشبهتها له بالملائكة من رقتها 
اه طبعا اتفضل يادكتور .
جلس أمامها مباشرة كي يستطيع أن يتشبع من رؤية ملامحها ثم وجد حاله يعترف لها 
هو انا ممكن اقول لك اني كنت متضايق وانت واقفة مع زميلك ومش عارف سبب ضيقتي ايه ! بجد كنت حاسس ان في حاجة طابقة على نفسي وانت واقفة معاه 
يا ترى عندك تفسير للاحساس ده يا دكتورة 
تطلعت بمقلتيه مع تنهيدة حارة خرجت من صدرها مع ارتفاع دقات قلبها عقب استفساره فهو أعلن غيرته عليها من وراء حجاب سؤاله لها ثم استنكرت عدم معرفتها السبب 
مش عارفة بصراحة يادكتور إيه سبب ضيقتك واختناقك
ثم دققت النظر داخل عينيه الساحرتين لها لتسترسل بدهاء كي تجعله ينطقها صريحة فهي تود سماعها 
دور جوة قلبك وعقلك واسألهم وشوف الجواب ايه ورجاءا جاوبني أني كمان علشان انت حيرتني معاك .
راق له دهائها وابتسم لها ولاهتمامها وهو يكاد يسمع دقات قلبها كالطبول في أذنه ولمعة عينيها وهي تتحدث معه ثم قال 
قلبي وعقلي محيرني ومش مرسيني على بر وعايزين يتكلموا بصراحة على اللي حاسينه بس خايفين .
خايفين من ايه بلغهم إن الصراحة راحة للكل وبتقصر الطرق وبتقرب المسافات قوووي ... كلمات مشجعة نطقتها فريدة بنبرة حماسية هادئة لفارسها فعقب عليها بابتسامة ساحرة س رقت لبها أكثر وأكثر 
طب لما القلب والعقل يقولوا الصراحة مش ضامنين رد فعل اللي قدامهم هيبقي عامل ازاي او هيتقبلوه ولا لا فهيخافوا يخسروا بعد ماتقدموا شوية .
كانت تشعر بسعادة تملأ العالم أجمع بحديثهم ذاك ثم شجعته
ثانية وهي تتوق لسماع اعترافه بعشقه لها فقد أحبت جلستهم تلك مثلها كمثل الأنثى الراغبة باعتراف حبيبها لها بأنه يعشقها ونسيت كل شئ وضړبت بكل ظروفه عرض الحائط 
الخسارة الحقيقية لما الخۏف من فقدان شئ يفضل يسيطر على الإنسان فيخليه فعلا يخسر ويضيع من يده حاجات أغلى من روحه لو قعد عمره كلاته مش هيعرف يرجعها تاني 
وأكملت وهي تبثه بنصائحها وعينيها الساحرتين مازالت ساكنة عينيه الحائرتين 
قوي قلبك وعقلك وشوف هما عايزين يقولوا ايه ومتحيرهمش معاك وتوكل على الله .
نفذ إرشادها له على الفور معترفا لها اعتراف عاشق لامرأة بغرامها متيم اعتراف مختلف عن كل العاشقين جعل كل خلية بحسدها تهتز داخلها وكأنه ألقى عليها تعويذة سحر وترنيمات عذبة رطبت قلبها العاشق لأول مرة بعمره 
طب عقلي سمع كلامك وقال لقلبي يبلغ قلبك انه شايفك حبيبته شايفك مستقبله وحياته شايفك شعاع النور اللي هينور ضلام الفارس شايفك أجمل بنت
شافتها عيونه وأجمل شكل في كل البنات وأجمل غنوة سمعها قلبه وعقله منسيهاش شايفة عقلي بلغ قلبي يبلغك سلام حبه إزاي يافريدة !
اصمت ايها الفارس كفاك كلماتك الرقيقة الساحرة لقلبي المسكين 
تسهمت عيناها أمامه ونطق قلبها بما خجل به لسانها 
أحببتك لدرجة أنه قد اجتمع حب العالم بأسره في قلبي ووصلت معك لمرحلة العشق الأبدي اعترفت مسبقا أني أحبك بقلبي وأفعالي واليوم أعترف أيضا أني أعشقك يا قلبي وروحي سأخبرك عن كل ما في قلبي طال كتمانه ولم يعد قلبي يحتمل ذلك إنه حبا لك أوقعته نظرة شقت قلبي نصفين ونقشت في أعماقه ملامحك الفتانة حتى سرت أنظر إليك في كل وقت وحين وسار قلبي معلق بك اليوم أعترف بأني احبك ولكني امرأة شرقية خدشت قلبها وانت الدواء والچرح وانت الصديق والحبيب الذي لطالما أخبرته مالا يقال وها أنا اعترف مرتين اني احبك مرة امامك ومرة امام عيناك دون أن يتحدث فمي وتنطقها شفتاي .
انتهي_البارت
البارت_الرابع_عشر
رأى خجلها والاحمرار غزى وجهها ببراعة فأكمل بهمسه الأجش بما قضى عليها وجعلها تود أن تطير من أمامه 
معقولة لسه في بنات بتخجل ووشها بيحمر زيك كدة لما حبيبها يعترف لها إنه بيحبها بجد اللي زيك خلصوا من زمان .
تفوهت بلسان يرجف من خجلها متسائلة إياه
ليه يعني 
طبيعة البنت الخجل وانها تتكسف لما حبيبها يعبر لها عن إعجابه بيها .
حرك رأسه نافيا ماتفوهت به معللا نفيه بما عايشه مع أصدقائه وما رآه بأم عينيه 
مين قال لك كدة ! اصلك مخرجتيش برة قوقعة حياتك المغلقة وشفتي اللي انا شفته دلوقتي البنات هي اللي بتكراش على الشباب وممكن كمان تبعت له وتقول له بص بقي من الاخر أنا معجبة بيك وبكراش وھموت عليك فتيجي سكة ودوغري معايا يابني انت علشان مش هتلاقي واحدة تحبك قدي ولا زيي .
شهقت بشدة مما قاله ولم يستوعبه عقلها ثم هتفت بعدم تصديق
هاااااا ايه الكلام دي لا يمكن البنت تعمل اكده واصل مستحيل البنت طبعها الاستحياء
اهتز فكه بسخرية من برائتها ثم أكد لها 
الاستحياء ده كان على ايام بنات سيدنا شعيب اما دلوقتي إنتي في القرن الرابع والعشرين يا دكتورة البنت حاليا بقت متفتحة قووي واسبور وشايفة ان من حقها تختار شريك حياتها وتحب وتتحب 
وأكمل بنفس سخريته 
تصوري البنت بقت بتحب الشاب اللي مسقط البنطلون وعامل شعره بطريقة غريبة واللي ممكن يستشوره ويكويه وميصليش باليومين علشان ميجيش عليه ماية وتضيع التسريحة اللي قعد ساعات يظبط فيها البنت بقت بتحب اللي يقولها سوري في اللفظ اللي هتسمعيه بحبك يابنت الجزمة وألفاظ شنيعة عن دي وهطلع مش عارف ايه ابوكي وأمك ويشتم أهلها كله وهي تضحك وتحبه أكتر قال ده بقي الواد الشبح اللي مفيش منه اللي اختارها من وسط البنات كلهم علشان هي جميلة الجميلات اللي مفيش زيها .
كانت تنظر إليها بمقلتين تتسع ذهولا مما يحكيه فلأول مرة تسمع تلك الكلمات فهي قليلة الاختلاط بالبنات ولم تهتم في حياتها غير بتعليمها وعملها وأهلها ولذلك ذهلت عندما سمعت منه تلك الحوارات لتقول باستعاذة 
أعوذ بالله معقول الحالة وصلت بالبنات لحد اكده اللهم عافينا.
بس انتي غيرهم كلهم ياست البنات إنتي ټخطفي القلوب من هدوئك ورقتك تركيبة جديدة مقابلتهاش في المحيط اللي عايش فيه طول عمري علشان كدة قلبي مال وابتدى الحب معاكي وبإذن الله هينهيه وياكي ومش بس كدة يافيري ده عمري الحقيقي ابتدا وياكي 
ثم شبك كلتا يديه في الأخرى متسائلا إياها برجاء وهو يريد أن يسمعها 
انتي ايه رأيك في كلامي ومقلتليش بردوا رأيك في عرض حبي ليكي أستاهل أتحب ولا لا 
خفضت رأسها للأسفل بخجل وداخلها يرد عن لسانها بما لايستطيع قوله من شدة خجلها ولم تعرف بما تجيب ولكنها ألح عليها ولم يتركها إلا حينما يسمعها بالرغم من أنه قرأها بامتياز في حمرة وجهها وصمتها ودقات قلبها ثم أكمل بنبرة هائمة 
بصي مش هسيبك إلا لما أعرف احساسك بيا ايه وتنطقيها علشان أنا لحوح جدا ومعنديش صبر اني أقعد أسهر وأعد النجوم علشان أفكر بتحبني ولا لا زي مانا بحبك بتفكري فيا زي ما انا بفكر فيكي ولا لا 
شاغل كل تفكيرك زي مانتي شاغلة كل تفكيري أصلك متعرفنيش اني في حبي بخاف على حبي قوووي انه ميكونش مطمن علشان أهم حاجة في العلاقة الاطمئنان .
عند ذكر كلمة الاطمئنان
خفق قلبها ألما فكيف تطمئن معه وهو في حالته تلك !
كيف تشعر بالارتياح وهي معه تخطوا خطوات إلى مجهول لم تعرفه ولم تعلم أيضا هل ستستطيع المقدرة على
مجابهته أم لا !
غموض لن تقدر إلى الآن كشفه ورغم كل ذلك إلا أنها عشقته بشدة ما إن ترى طيفه أو تشم رائحته أو تعلم تواجده في نفس المكان الموجودة به تلقائيا تنهال الدقات التي تخفق بين أضلعها على قلبها المسكين فتهلك جسدها غراما به 
رأى تغيرات وجهها مابين لحظة وضحاها من النظرة الحالمة الهائمة به وباعترافه الموثق بغرامها إلى النظرة الخائڤة التي يمسها الفقدان وعدم الاطمئنان ولكنه انتظرها وسينتظرها مهما طالت حيرتها حتى تهدأ ومهما طال خۏفها حتى تطمئن ثم شعرت بلهفته عليها وعلى أن تريح قلبه وكعادتها قررت أن تسلم أمرها بيد الله الذي وضع محبته في قلبها بتلك الدرجة ثم رفعت أنظارها الخجلة إليه
مش عارفة أرد أقول ايه أو أطمنك إزاي علشان مش عارفة الاحساس اللي اني حاسة بيه دي حب ولا له 
واسترسلت حديثها وقد تعلقت عينيها بعينيه بنظرة حانية أرجفت ذاك القابع بين أضلعه
بس احساسي اللي أني فيه جديد عليا محستهوش قبل اكده حتى لو في كذا زميل قبلك اعترفولي نفس اعترافك مكنتش يعني بحس نفس الاحساس ده خالص فمش عارفة بقى يا فارس .
سألها باستكشاف وقد راق له جوابها 
طب الاحساس ده نابع من عقلك ولا من دقات قلبك اللي مش مبطلة دلوقتي ولا من خجلك الكبير قووي ولا من عيونك اللي قريت فيهم كلام كبير وأهمهم اني شايفني بلمع جواهم دلوقتي 
تحمحمت بتوتر من حصاره لها لتجيبه بنبرتها الرقيقة الشبيهة لملامحها 
اممم.. كل داي أسئلة محتاجة أجوبة اكده حرام عليك متاخدنيش على الحامي اكده خلينا
واحدة واحدة علشان متهش منك .
ابتسم وجهه ابتسامة عذبة
وماله لما تتوهي وأنا ألاقيكي وبعدها أخبيكي جوايا وأخلى رمش عيوني يحرسوكي علشان متوهيش تاني .
ابتسمت هي الأخرى نفس ابتسامته
متقلقش على جواك أصل أني بطبعي هادية قوووي ومش بعمل قلق في أي مكان .
وأنا أكتر حاجة عجباني فيكي هدوئك الراقي عارفة بتفكريني بهوانم جاردن سيتي أيام السبعينات بتوع السبيرتاية والقهوة وكاظم الساهر ونجوم الليل وسماه وقمره أهو أنا بقي بحلم اللي أتجوزها تكون زيهم كده بالظبط.
وبتحلم بايه تاني ياسي فارس والمرأة الساحرة الكيوتة تنفذه لك 
وضع سبابته على فمه مجيبا بعد تفكير وقد نال حديثهما المختلف ذاك إعجابه 
بحلم ياستي ان أنا وفتاة أحلامي اللي هي زوجتي المستقبلية اننا قاعدين قدام البحر على الرملة وواخدها في حضڼي وجايب لها آيس كريم وشوكولاتة من اللي هي بتحبها وبأكلها لها بايديا وهي تسألني يومك كان عامل ازاي وتهتم بكل تفاصيلي وأنا كمان أهتم بكل تفاصيلها وأدلعها وأحبها قوووي وأغير عليها قووي 
ثم تعمق في عينيها الساحرتين معبرا بهيام
بحلم بيكي تكوني انتي شريكة الليالي اللي حلمت بيها وتكوني انت بطلتها وأميرتها .
كعادة