رواية كاملة بقلم اسما السيد

لهجتها اللي اتغيرت في ثواني كانت لهجة صعيديه زي اللي بسمعها من العمال لقيتني بقول بزهق
وانا اروح فين دلوقت ما تتخمدي وتنزلي الستاره عليكي هو انا هاكلك 
سكتت شويه وبان عليها انها بتفكر نزلت عيني كالعادة واستغفرت ربنا في سري وأنا بلوم نفسي اني تماديت معاها بس هي مستفزة جدا لحد ما اټصدمت اول ما وصلني همس صوتها
نايتي كتك الهم امري لله هتحمل وخلاص 
قولتي ايه
ها مقولتش وانت عامل ايه يا كابتن
ها كابتن
سيان بقي مدام مش هنتخمد يبقي نرغي 
مين اللي يرغي
انا وانت!
قبل ما اتكلم وافوق من الصدمه كانت بدأت ومستنتش
انا ابرار وانت
مستوعبتش الا وهي بتنفخ وتبص للي في ايديا
انت يا حاج
حاج
يييه اومال اقولك ايه ما انت مذبهل كانك من كوكب غير الكوكب 
كان نفسي اسالها بتجيب الالفاظ دي منين والتعبيرات الرهيبه دي بس للاسف لقيت نفسي برد عليها بتنهيده
علي اسمي علي
بصت ليا ولشنطتي يمين وشمال وضحكت وقالت
علي بابا 
هاا علي ايه يختي
شاورت عالشنطه واول مره اخد بالي من اللي مكتوب عليها 
Ali baba bagsشنط علي بابا
ماشي يا امي حتي هديتك بهدله ما هي للاسف أمي اللي جبتهالي هديه من سنه في عيد ميلادي 
ارغي يا ابرار 
علي بابا تصدق انت شكله جدا اوعي تكون متعرفش حكايته
شكله!
اوف كورس طبعا
ها 
يبي شكلك مش عارفها احكيلك حكايته بقي 
لا شكرا عارفها 
رديت عليها وانا بنفخ انا حاسس اني وقعت داخل بير ومش عارف اخرج منه وكمان مره حسيت اني عاوز افش غلي في اي حد خصوصا والدتي اللي جابتني هنا 
الطريق طال عن الحد والمتعه والصمت اللي كنت بحلم بيهم للاسف راحوا هباء منثورا 
خصوصا بعد ما قامت و اتسلقت السلم الفاصل بين السريرين اللي فوق واللي تحت واختارت تقعد فوق راسي وقررت تكمل رغي تاني مع صحباتها بعد ما فقدت الامل مني 
انا تقريبا عرفت قصة حياتها كاملة بس للامانه كانت حكايتها مسلية لحد ما سمعتها بتقول لصاحبتها
بت انا صدعت منك انا هنام بقى وأمري لله اشوف الحاج علي بابا هينام ولا لا وابقي احكيلك تفاصيل خطة الهروب بقي أما اصحي 
نعم يختي 
يلهوي دا انا نسيت انك هنا!
انتي يابت هبله 
كانت قفلت وانا خلاص بقيت عبده كشړي بسببها والله ما هسكت لها ابدا اومال لو مش قاعده في مكاني وبفلوسي الهبلة دي
بس لقيتني بقول
انا زهقت 
وانا والمصحف 
ليه هو أنا اللي مبطلتش رغي من ساعة ما دخلت 
انت بتتسنط عليا يا علي بابا 
متقوليلش زفت دي اسمي علي 
سيان انت كده بتتجسس 
اللهم طولك ياروح !
يا خسارة طلعت منهم 
منهم ايه دي كمان
بتوع النفخ وانا كنت فاكراك مؤدب 
أنت انت بجد لا تطاقي فعلا مش عارفه عجباه في ايه سي مهران ده 
لا دا انت زودتها فعلا بقي وبتدخل في خصوصياتي
خصوصيات ايه وانتي صوتك جايب لآخر القطر 
وانت مالك هو صوتي ولا صوتك!
مش عاوز اقولكم فضلنا اكتر من ساعه نتخانق وفعلا قدرت تخرج العربجي اللي جوايا 
لحد ما قررت انا رأفة بحالتي ادخل للسرير اللي تحت واقفل الستاره 
اتخمدي بقي انا زهقت من الخناق واقفلي النور احسن اتفتن بجمالك في الظلمه وانتي ياعيني فاتنه 
انت بتتريق عليا!
مردتش ما أنا بقالي ساعه كل ما اسكت تستفزني ولما تستفزني بستفزها ودايره مبتقفلش وانا ريقي نشف وتعبت وجوعت منك لله يا ابرار كان يوم اسود يوم ما فكرت اركب قطر 
روحت في النوم ومدرتش بنفسي الا بعد ساعات معرفش قد ايه فوقت علي صوت خبط حد بيخبط ويقول شاي وسميط 
خرجت وبصيت يمين وشمال ملقتهاش حمدت ربنا وقولت الحمد لله غارت وهرتاح 
سالت العامل
فاضل قد ايه عالاقصر
هانت كلها كام ساعة أكده تشب شاي يا بسمهندس
برقت من طريقة كلامه انا هنا بشوف العجايب بحق بس قررت اسكت لأن فعلا عصافير بطني زقزقت مديت ايدي عشان أخرج فلوس لقيت ايد بتزوق ايدي وصوت عرفت صاحبه طبعا 
لا مش عاوزين شوف الي بعده 
انتي انت 
لسه هكمل لقيتها بتوطي صوتها وبتهمسلي
اديله اي شيء ومتاخدش منه اسمع مني الشاي بتاعه وحش جدا وبيوجع البطن 
بطبيعتي موسوس لكن عندا فيها بالذات قررت اشرب شاي وياريتني ما شربت 
اه بطني ھموت 
تفاعل والديكم فصل كمان 
آاااه يا بطني ه م وت
الشاي فعلا كان ملوش ملامح كان عندها حق نص ساعة وكان في ڼار في بطني وشي عرق ومكنتش قادر اتحمل بجد
كانت هي قاعدة تبصلي ببرود وبتاكل كيك وبتشرب عصير كمان همست بغل لنفسي اه يا بارده ياريتني ما عاندتك 
كنت عاوز اخنقها بس رجعت لعقلي تاني بعد فكرت نفسي اني غلطان 
مقولتلك بلاش فاضل ساعة ونص علي ما نوصل تكون مت فيهم الحمدلله 
بت اقفلي بوقك ده كان يوم مهبب يوم ما شوفتك 
بت واقفلي ! عاش والله اراك نزلت تاج الوقار اللي كنت حاطه علي راسك قبل ما تدخل القطر وصرت مثلنا اهه 
يا صبر 
خلاص يا عم متتحمقش انت حر الله 
سكتت شويه وبعدين قامت وجابت شنطتها ولقيتها بعد شويه بتمدلي ايدها بقرص دوا وازازة مايه 
ايه ده
العلاج الاسرع للي انت فيه 
لا مش عاوز 
متخفش مش هسممك 
الحقيقة بطني كانت بتتقطع ومفيش حمام أو فيه وانا معرفش كان يوم مهبب يوم ما فكرت اركب قطر دا انا فضلي شويه واعض في الأرض وكأنها كانت بتقرأ أفكاري ضحكت بسماجه كده وقالت
اشرب وامرك لله كده كده لو ماخدتهاش مش هتتحمل اكتر 
مديت ايدي وخدتها منها وشربت نص ازازة المايه وهي رجعت مكانها بصمت علي غير العادة ربع ساعة وكنت فوقت تماما واضطريت اشكرها
شكرا 
العفو 
كانت ساكته علي غير العادة لدرجة اني استغربت بس مكنتش فايقلها بصراحه عيني غفلت لحد ما فوقت علي صوت كاوتشات القطر وهي بتحتك في القضبان وهنا سمعت صوتها 
هيييه اخيرا وصلنا الحمدلله اوعي يا جدع انت كانت ركوبه هم وغم وقطران 
اه يابنت 
فص ملح وطار يعني بعد ما استولت علي مكاني ووريتني الويل طول الطريق تكون اخرتها هم وغم وقطران ماشي يا ابرار 
خرجت زي التايه تماما عمال اخبط يمين
وشمال لحد ما خرجت وياريتني ما خرجت ولا عيني وقعت علي اللي شوفته
الحجوني يا خلج بيتحمرش بيا 
اعجلي يا ابرار انا واد عمك عيب أكده 
واد عمي ايه يا جدع انت ولا اعرفك 
عمري ما كنت اتوقع ان اشوف المشهد ده دي تستاهل اوسكار تمثيل 
الناس
اتلمت علي مهران الغلبان وهي فلتت وجرييت دي مش ابرار دي زلزال وبركان 
عينها وقعت عليا وڠصب عني ضحكت وهي غمزتلي وجريت وانا صعب عليا مهران وقررت ادافع عنه وامري لله 
شكرا يا بلدينا والله مخبرش اودي جميلك دا فين دا انا اتفشفشت منك لله يا ابرار 
هي عملت فيك ليه كده
عشان جادره ومفتريه واني هعشقها بنت الرفدي دي 
ڠصب عني ضحكت عندها حق تعمل فيه كده مهران ملوش شخصية نهائي 
انت رايح وين أكده يا بلدينا 
مهران كان معاه عربيه فقررت اطلب منه مساعده يمكن يدلني أو يعمل فيا معروف ويوصلني قولتله علي المكان اللي بعتته أمي 
باااه دي بلدنا رايح لمين اهناك
رايح بيت الحاج زهران ابو المجد 
باااه انت تعرف الحاج من وين
انا ابن بنته سلوان 
يا مرحب يا مرحب دا احنا طلعنا جرايب كمان 
جرايب
تعال تعال يا ولد الغاليين 
الله كيف مرت عمي متعرفش انك جاي 
مرت عمك مين
اني هقولك