عشق الادهم بقلم ماهي عاطف

يبيع اى حد مهما كان
محمد بزهول انا حبيتك ورميت تحت ريجلك كل حاجه وفى الاخر ابقى واطى وانتى ايه لما تروحى ترفقى راجل تانى تبقى ايه
لورا بصوت عالى اخرس انا عمر ماحد لمسنى فى الحړام ابدا انا حبيت معتز بجد بس عمره مالمسنى وااااه انت واطى وندل وعمرك ماكنت فى نظرى راجل ابدا وكنت مستنيه بس لما الورق الى يثبت ملكيتى للمعرض والشقه يبقى معايا علشان اخلص منك
محمد بيحاول يستوعب الى بيحصل بس اجى فى دماغه سؤال اختيه ازاى محدش يعرف ارقام الخزنه وسرقتى المفاتيح ازاى انا اصلا نومى خفيف
لورا ضحكت بصوتها كله هقولك بس علشان تعرف انى اصيله

لما حضرتك اخت الورق وحطته هنا فى الخزنه معرفتش اعمل ايه وكلمت معتز
فلاش باك
لورا محمد اخد الورق حطه فى الخزنه الى فى المعرض وانا مش عارفه اجيبه ازاى
معتز بغيظ وانتى مكنتيش عارفه تخدى الورق منه بشويه دلع
لورا لا معرفتش خۏفت يشك فيا اعمل ايه ياعنى دلوقت
معتز بعد تفكير طيب اسمعينى كويس وانا هقولك هنعمل ايه
لورا قول ياحبيبى
معتز اسرقى منه المفاتيح
لورا مفاتيح ايه الى اسرقها دانومه خفيف جدا دانا لو عديت من جنبه يقوم يقولى راحه فين تقولى اسرقه
معتز ياستى اسمعينى للاخر لما يجى بليل اعمليله سهره حلوه وانا هفوت عليكى قبل مايجى هديكى منوم تحطيه فى العصير او فى الشاى اى حاجه هيشربها واول ماينام هجيلك اخدك ونروح ناخد الورق ويبقى خلصنا منه تمام
لورا ضحكت تمام قوى طيب هستناك قبل مايرجع تجبلى المنوم
معتز ماشى يالا سلام
باك
لورا بس ياسيدى واجيت اخت الورق وكنت هنا من بدرى ادينى قولتلك كل حاجه
محمد بغل عرفتى ارقام الخزنه
ازاى
لورا غمزتله انا عارفه انت بتحبنى قد ايه وتوقعت انك عامله حاجه من الاتنين ياتاريخ جوزنا ياتاريخ عيد ميلادى وجربت وطلع تاريخ جوزنا هاا عرفت كل حاجه ولا لسه عندك اسئله تانيه
محمد حاسس انه هيتجنن مش عارف يستوعب الى بيحصل مش مصدق انوا باع الغالى بالرخيص ساب مراته الى عمرها مازعلته بكلمه وعياله الى لسه يادوب بيتعلموا كلمه بابا علشان واحده خاينه غمض عنيه بۏجع الدنيا وعرف ان ده عقاپ ربنا ليه
لورا زهقت من وقفته وهو ساكت وبيبصلها وبس انت هتفضل واقف كده لو معندكش حاجه تانيه اتفضل واه صحيح هتروح تلاقى هدومك مع البواب علشان رجالتى غيروا الكالون بعد مانت نزلت على طول
محمد ضحك رجالتك بقى ليكى رجاله يابت شوقى السكرى
لورا بصتله پصدمه انت بتقول ايه انت اټجننت
محمد عالى موجوع اه اټجننت لما قبلت على نفسى اتجوز واحده زيك ابوها كل ليله يروحلها بيطوح من السكر اټجننت لما كنت بديكى فلوس بالالفات واقول مش مهم علشان تعيش كويس ايه كنتى فاكر انى مش عارف بس انا الى طلعت غبى وافتكرت ان واحده زباله زيك ممكن تفتح بيت ويبقى ليها زوج وعيال وياترى بقى الى فى بطنك منى ولا منه
لورا ضحكت باستهزاء ولا منك ولامنه اصل مافيش حاجه فى بطنى اصلا زى ماتقول كده كانت حاجه لزوم الشغل وبس
محمد الحمد لله ان مافيش عيال منك وعموما دا عقاپ ربنا ليا على الى عملته فى همس وعيالى وصدق الى قالى ان الدنيا داين تدان
وسابها ولسه هيمشى ندهت عليه لورا محمد فى حاجه اخيرا مهمه كنت هنساها انت طالق ياغالى طالق بالتلاته
معتز ضحك قوى ايه يارجوله هى كمان العصمه فى اديها اخص على الرجاله
لورا ماهو يامعتز ياحبيبى انا يوم كتب الكتاب قولتله انا مش هاأمن ليك انت ممكن تطلقنى فى اى وقت ومع شويه دلع وافق على طول بصراحه مكنتش ضمناه خالص
معتز هو انت لدرجادى بتحبها ولا انت عبيط ولا ايه
محمد ضحك بۏجع على نفسه عبيط!!! عبيط قوى قوى
وسابهم ومشى وفضل ماشى يلف فى الشوارع مش عارف هو صاحى
ولا نايم وجوه كابوس فجاه لقى نفسه قدام شقته القديمه الى احتفظ بيها من وراه لورا ومرضاش يبيعها و قالها انه باعها فتح الباب دخل بص للشقه كانه لسه سايبها امبارح قعد على اول كرسى وافتكر همس وعياله ضحكهم وهزارهم مع بعض كل حاجه عماله تعدى قدام عنيه كانها شريط سينما
وبصوته كله طلع الۏجع الى حاسس بيه ااااااااااه يااارب انا استاهل اكتر من كده انا غبى غبى بس وربى ماهخليهم يتهنوا بشقى عمرى لو فيها موتى !!!لو فيها موتى مش هسيبهم ابدا 
روايه عشق الادهم 
الحلقه التاسعه عشر 
عند همس صحيت من النوم بدرى زى عادتها وقفت قدام الدولاب مش عارفه تلبس ايه محروجه تطلع قدام أدهم بلبس بيت وشعرها بس اقنعت نفسها ان مينفعش تبقى عايشه معاه فى بيت واحد وتفضل بلبس خروج وطرحه لبست بادى نصف كوم بينك وبنطلون أسود وفردت شعرها الى واصل لقبل اخر ضهرها بشويه وخرجت من الاوضه راحت المطبخ تحضر الفطار
أدهم صحى وفضل نايم على السرير بيسال نفسه ياترى لسه نايمه ولا صحيت قام يشوفها يمكن تكون خرجت من الاوضه واول ماطلع من اوضته سمع صوت فى المطبخ بص لقاها همس وقفه تحضر الفطار وقف سهم
همس حست بحد ورها بصت لقت ادهم واقف مسهم أدهم مالك انت واقف كده ليه انا حضرت الفطار خلاص اهو
ادهم مردش عليها لفت وراحت وقفت قدامه أدهم انت كويس مش بترد عليا ليه
أدهم اخد اديها وحطها على قلبه وبصوت هادى جدا حاسه بايه
همس قلبك بيدق قوى ليه كده
أدهم بحب علشان شايف اجمل وارق واحلى همس فى الدنيا كلها
همس وشها احمر وبصت للارض ادهم رفع وشها وقالها وعينه فى عنيها صباح الجمال والرقه ياحلى همس فى الدنيا كلها
همس اتوترت من كلامه اااانا هرررح اصحى حور وادم يفطروا
جريت من قدامه دخلت اوضه العيال وقفلت الباب ووقف وراه حطت ايدها على قلبها اهدى ياهمس فى ايه ده بيجاملك بكلمتين مش اكتر اهدى الله يهديكى
هى مش ناقصه
اما بره كان أدهم لسه واقف هيمان طب اعمل ايه ادخل اكولها !! صبرنى يارب اهدى ياأدهم واجمد كده لازم تتعود على شكلها ده كل يوم يارب هونها عليا قبل ماهمس بنت طنط هناء تجيب اجلى
طلعت همس معاها حور وادم الى جريوا على أدهم
حور راحت باسته من خده صباح الخير يابابا
أدهم صباح العسل ياسكر بابا
أدم راحله هو كمان وباسه صباح الخيى يابابا ياحيو
أدهم بصله بنص عين انت بتشتمنى ياادم
ادم يأ وياهى
أدهم بتفكير اومال ايه حيو دى اختصار حيوان ولا ايه
همس ضحكت قوى ادهم بصلها عايز يقولها ارحمينى من ام ضحكتك كمان
همس ترجمتله بيقولك صباح الخير يابابا ياحلو
ادهم بصله وباسه قوى والله انت الى حلو وقمر وانا عايز اكلك ووطى صوته انت وماما
ادم سمعه عايس تاتوى ماما ليه
ادهم برق لانه فهم انه سمعه وهمس بصتله بنص عين وابتسمت
ادهم حط فى بوك ادم حتت عيش كول ياادم ياحبيبى واسكت هتفضحنى الله يهديك
كملوا فطارهم وقامت همس تشيل الفطار وادهم قام ساعدها هو وحور
بعد ماخلصوا راحوا قعدوا مع بعض
أدهم بصلهم وقالهم ها تحبوا تعملوا ايه النهارده
همس استغربت هو انت مش رايح الشغل النهارده
أدهم لا ماهو المفروض انى عريس واخد اجازه كام يوم شهر عسل
همس اتحرجت منه انها حرماه من ابسط حقوقه وبان عليها انها زعلت أدهم مسك اديها احلى شهر عسل ممكن اقضيه هو لما اكون معاكم وانتوا قعدين حوليا
همس ابتسمت وفضلت بصاله وسكته بس السكوت ساعات بيكون احلى من الكلام قطع سكوتهم أدم
ادم بابا اتم عايس يخيج
أدهم عايس وفهمتها يخيج دى ايه
همس ترجمت يخرج ياأدهم ماهى باينه اهى
أدهم رفع حواجبه صدقى فعلا باينه وانا راجل مفترى انا لازم اعمله كراسه واكتب فيها الكلمه ومعناها علشان اقدر افهم مانا بحب ابقى فاهم كل حاجه
همس ضحكت وعلى ايه كل ده انا هبقى افهمك كل كلامه واحده واحده
أدهم بصلها وقصد حاجه تانيه بجد هتفهمينى واحده واحده اعتبر ده وعد
همس حاسه انه يقصد حاجه تانيه فمرديش عليه
أدهم مردتيش عليا ليه
همس فى ايه
أدهم انك تفهمينى كل حاجه
همس بصتله قصدك كلام ادم حاضر هبقى افهمك انا هقوم احضر الغدا
أدهم مسك اديها لا متعمليش اكل احنا هنخرج نتغدا بره
حور وادم هيسوا وراحوا باسوا أدهم وكل ده وهو عنيه عليها هو كان قصده تفهمه ليه بتبعد عنه ليه مصممه تفضل لوحدها وهى فهمته و بتحاول تهرب من عنيه
أدهم قضى معاهم كام يوم اجازه وكل يوم نفس النظام يقومه يفطروا ويا يتغدوا بره ويقضوا اليوم خروج يايتعشوا ويلفوا البلد واخر الليل يروحوا بحور وادم نايمين يدخل أدهم ينيمهم وكل واحد يروح اوضته بس ياترى هيفضلوا كده لامتى
جاسر ولوجين قربوا من بعد فى الفتره الى عدت كل يوم مكلمات الصبح وبليل بس محدش فيهم اعترف بحبه للتانى وفى
مكالمه بينهم
جاسر ايوا يالوجى عامله ايه
لوجين الحمد لله خلصت شغل بدرى النهارده ولا ايه
جاسر لا لسه مخلصتش بس اخت بريك قولت اسمع صوتك فيه
لوجين ابتسمت طيب مانت مكلمنى من حوالى ساعتين وكان بريك برده
جاسر وانت زعلانه انى عايز اكلمك كل شويه ولا علشان باخد بريك كتير
لوجين ولا ده ولا ده انا بهزر انا ببقى مبسوطه لما بتتصل بيا كل شويه
جاسر بجد يعنى مش بتزهقى منى
لوجين اكيد لا
جاسر ليه
لوجين ليه ايه
جاسر ليه مش بتزهقى منى
لوجين لنفس السبب الى بيخليك تتصل بيا كل شويه
جاسر بصوت هادى طيب انا بتصل كل شويه بيكى علشان بحبك انتى مش بتزهقى ليه
لوجين سكتت بس كانت طايره من الفرحه انوا اخيرا قالها بحبك
جاسر سكتى ليه انتى مكنتيش حاسه انى بحبك من اول مره شوفتك فيها دانا بقيت بعد الساعات والدقايق علشان انزل اجازه واقدر اشوفك
لوجين لسه ساكته مش عارفه تقوله ايه
جاسر لما سكوتها طال افتكر انها مش عايزاه الظاهر انى اتسرعت وقولتلك على مشاعرى قبل ما اتاكد فى حد فى حياتك غيرى
لوجين بسرعه لا ياجاسر مافيش حد والله غيرك انا ب
وسكتت لوجين واتحرجت من اندفعها فى الكلام
جاسر ابتسم وقلبه دق بسرعه سكتى ليه يالوجى مستهلش تكمليها
لوجين لا تستاهل كل حاجه حلوه فى الدنيا تكون ليك ياجاسر
جاسر وانا مش عايز
غيرك تكونى معايا وفى ديما
لوجين بحب وانا جنبك عمرى ماهبعد عنك ابدا
جاسر طيب قوليها يالوجى ريحى قلبى
لوجين اقول ايه
جاسر انتى عارفه انا عايز اسمع ايه وحياتى عندك لتقولى
لوجين انا بحبك قوى ياجاسر
قالتها بسرعه وقفلت السكه حضنت التلفون وغمضت عنيها تحلم بيه جاسر بعد ماقفلت بص للتليفون وابتسم وقرر ان لازم بجوزها وبسرعه
عدى كام يوم ونزل اجازته اول لما دخل ندهزعلى مامته
جاسر ماما ياماما
خرجت هدى من اوضتها