حب الطفولة

سنة الله ورسوله اطلب إيد بنتك بسمه .
متقدممم ل بنتي هو انت مش كنت هتتجوز ولا اتجوزت كأنه ولا انا سمعت غلط 
ارتبك وحاول يثبت وجاوبه لا ما هو ما حصلش نصيب وكل واحد راح لحاله .
طيب انا هأبقى افكر في الموضوع وارد عليك يا محمد وربنا يقدم اللي فيه الخير .
ابويا مارضيش يحرجه واداله أمل انه هيرد عليه بس بعد ما رجع من الشغل انا شوفته من الشباك كان وشه جايب الوان والدنيا كلها سواد في عيونه و صوته كان واصل لآخر الشارع لما نادي على امي اللي راحتله وكانت بتترعش من الخۏف ما هيا عارفه عصبيته ! خبط باب الاوضه لما دخل وفضل ېصرخ ويزعق ويشتم في أمي وفي محمد وانا مش فاهمه اي حاجه غير صوت زعيقه ومستخبيه في اوضتي وقافله على نفسي ما انا عارفه ابويا تفكيره هيوديه لبعيد هيفتكر اني كنت بروح اقعد عندهم بالثلاث أسابيع ويا عالم ايه اللي كان بيحصل ما بيني

وبينه واحنا لوحدينا !! ربنا يسترها بقى ويعدي اليوم دا على خير 
فضلت اتحسس عند الباب لحد ما سمعت ابويا طلع وخبط الباب بكل عزمه وراه كان هيكسره !
جات أمي جري عندي اوعي تطلعي ولا تخليه يشوف وشك والله ليخلص عليكي اديني قولتلك ! دا الډم كان بيغلي في عروقه غلي وهاتك يا زعيق و هراني من كتر الاسئله !
Flash
تعالي يا ست هانم احكيلي دا شافها امتى بالضبط وايه اللي حصل ما بينهم وطلق مراته ليه ومش مكسوف من نفسه وكمان ليه عين يجي يقابلني بيها ويطلب مني إيد بنتي وهو معقول انا أآمن على بنتي في إيد واحد مستهتر طلق بنت قبل فرحها باسبوع !! وانتي يا ست هانم يا محترمه بتسيبي بنتك عند الناس بالشهر ولا تسألي عنها ولا عن اللي بيحصل معاها ويا عالم بنت ال دي مهببه ايه من وراكي ! انطقي ساكته ليه جاكي البلا في وشك وفي خلفتك الغبيه دي ! وكمان اعملي حسابك لو حسيت بس إن فيه حاجه غلط والله لاشرب من دمك وڼموتك انتي وهيا !!!
Back
يا لهووي دااا انا عمري ما شوفته بالعصبيه دي قبل كده الحمدلله انه جدتك وسعاد مش في البيت والا كانت الدنيا ولعت اكتر ما هيا مولعه وكل دا بسببك انتي يا مقصوفة الرقبه وبعدين دلوقتي هما في البلد وكده كده هيسمعو ويا خبر دلوقتي بفلوس بكره يبقى ببلاش ! يا فضيحتك يا فاطمه سيرتك وسيرة بنتك هتبقى على لسان اللي يسوى واللي ما يسواش 
جاوبتها ببرود لا يا امي ما تخافيش من ناحية سعاد مش هتقدر تعمل حاجه لا هي ولا جدتي كمان وانا مش خاېفه منهم المهم بس ابويا ما يعرفش أصل الحكايه وفصلها .
مششش خاېفه منهم ازاي يعني انتي ما تعرفيش عمتك وجبروتها ولا ظلم جدتك ! ازاي تقدري تكوني بالبرود دا 
يا أمي انا ما بقيتش البنت الصغيره الخوافه الضعيفه وهاقدر ادافع عن نفسي وعنك انتي بس ما تتدخليش ما بينا لو حصلت اي مواجهه وانا اللي هتصرف معاهم .
طيب وابوكي اللي عفاريت الدنيا كلها راكبه دماغه دا هنعمل معاه ايه دلوقتي 
يا امي هو كان جوزك ولا جوزي ما تتصرفي بقى وبعدين هو ما يعرفش انه محمد طلق مراته بسببي بس انتي يعني اللي تعرفي الحكايه كلها مكنتيش قادره تقوليله اي كلمه طيبه حتى تهديه بيها 
اهدي مين يا مجنونه انتي دا انا لو كنت نطقت حرف واحد كان جاب اجلي وبعدين إن كنتي فاكره اني هأدافع عنك اصلا ولا عن الغبي بتاعك دا ! تبقي غلطانه يا هانم انا لو مفضلش في الدنيا كلها راجل غير الهلفوت دا مكنتش هوافق عليه !
فجأه انهرت بالعياط ما قدرتش اتصنع القوه اكتر حطيت إيدي على وشي خلاص يامي مش عايزه اسمع اي كلمه زياده خلاص سيبوني في حالي بس .
يتبع
عدى اسبوع على الحكايه دي وانا مستخبيه زي ما بكون قاتله قتيل ومستنيه ايه اللي هيحصل رجع محمد يسأل ابويا عن رأيه وقاله معلش إعذرنا بس مفيش نصيب ربنا يرزقك ببنت الحلال أتصل بيا قبل ما يرجع بلدهم بعد ما وعدني أنه هيرجع تاني ومعاه كبار العيله يكلمو ابويا والمصېبه الكبيره بقى حصلت لما رجعت جدتي وسعاد من عندهم من البلد .
كنت في اوضتي وأمي قاعده في الصاله وجدتي جايه ناحيتها وبتعلي في صوتها ومستقصده تسمع كل اللي في البيت وعمتي من وراها فرحانه وشمتانه بتبص لها بخبث بقى قوليلي انه الحكايه فيها اللي ما تتسمى وانا بقول الراجل ماله قلب مره واحده بعد ما كان هيتجوز وكل حاجه تمام أمي بإرتباك وتصنع لعدم الفهم قصدك ايه 
قصدي قصدي على المحروسه بنتك اللي عامله فيها عاقلة ومؤدبة علينا وهي رايحه تدور على حل