حب الطفولة

وهو مش بيرفع عيونه الحلوه دي أبدا !! المهم ساميه صاحبتي شاورتلي عليه تاني يوم وانتبهت فعلا أنه بيبصلي من تحت لتحت ! بس ما حاولتش اشغل بالي بالموضوع دا ورجعت بيتنا المساء .
استغربت بقى لما لقيته بيطلع معايا نفس الاتوبيس اللي انا راكباه الډم غلي في عروقي وبعدين فيه البني ادم دا هو رايح فين دلوقتي عدت محطه واتنين وتلاته لقيت الراجل لسه ما نزلش قولت لا دا أكيد بيراقبني !
وصلنا المحطه الي قبل محطتي لقيته نازل رايح بيتهم !! مش معقوله يعني هو ساكن هنا قريب مننا كمان ! لا مستحيل دا أكيد عملها عن قصد لما فهم اني كشفت ملاحقته ليا وهيرجع يركب اتوبيس تاني و يرجع .
روحت البيت وما حبيتش اجيب سيره ل امي ما هيا بقيت كل سيرتها انها تجوزني ول اي واحد وخلاص كأنها عايزه تخلص مني باي طريقه المهم اني ما اتجوزش محمد .
خلصت نهاية الأسبوع وطلعت على شغلي وانتبهت لاول مره على المدرس دا وهو طالع من نفس المحطه اللي نزل فيها يوم الخميس ! يبقى فعلا هو ساكن هنا انا اللي عمري ما انتبهت عليه! عملت نفسي مش شايفاه ولا واخده بالي منه .
وإبتدي الأسبوع وهو لا بيحاول يبصلي ولا يعمل اي حركه تبين إعجابه بيا ولقيت أنه فعلا اخلاقه عاليه وملتزم جدا كنا بنطلع و بننزل من نفس الاتوبيس بس عمره ما حاول يتواصل معاي لحد ما جيه يوم الخميس وكان آخر يوم وبعديه اجازه لاقيته جاي يقعد جنبي في الاتوبيس اللي كان يعتبر فاضي نسبيا
آنسه بسمه ممكن اقعد جنبك 
ارتبكت ما عرفتش اقوله اه ولا لا وبصراحه مش عارفة ليه ما عرفتش اتصرف معاه بفظاظة زي ما كنت اعمل مع نادر مش عارفة ازاي تنحت كدة و حطيت راسي وعملت حركة إيماء بالموافقه .
راح قاعد وساكت يجي نص ساعه كنت بحس فيها أنه بيعمل مجهود خرافي عشان يستجمع شجاعته ويبتدي كلام أخيرا نطق وكانت الحروف بتطلع منه بالعافيه ووشه احمر زي الډم من كتر الكسوف واضح أنه عمره ما كلم واحدة ست آنسه بسمه انا عارف انك لا تعرفيني ولا عمرك شوفتيني قبل كده بس انا كنت بشوفك من زمان وعاوز اعرف اذا كنتي موافقه حضرتك اجيب اهلي ولا لا .
انا زي العبيطه قاعده بسمع ومش عارفه ارد !ما تقوليله إنك بتحبي واحد تاني وإخلصي ولا عايزه حكاية نادر دا تتكرر تاني يعني ! لا لا حرام ما اقدرش اكسفه 
قولتله كلمه واحده ممكن .
الكلمه دي هيا اللي غيرت حياتي للأبد بعدها ما نطقتش ولا حرف وفضلنا ساكتين لحد لما نوصل قالي على فكره انا ساكن هنا كنت بشوفك كل أسبوع واطلع معاكي في نفس الاتوبيس بداية ونهاية كل اسبوع ومش كده وبس دا انا كنت عارفك من اربع سنين من لما كنتي في اولى جامعه كنا كمان بنطلع مع بعض كل أسبوع وبنرجع تاني وعارف إنك عمرك ما لاحظتي دا وابتسم وخدوده اتوردت ! وانا كنت مصدومه من كلامه دا كان بيراقبني بقي من لما كنت في الجامعه يا نهار اسود!
المهم عدت محطته وما نزلش زي المره اللي فاتت وفضلت انا متنحه مش عارفه أقول ايه زي الهبله ساكته نزل معاي في محطتي وسابني مشيت شويه وراح جاي ورايا وعرف بيتنا فين !
دخلت البيت وشي مخطۏف وأمي بتسألني مالك قولتلها زي حكاية كل شهر وخبيت عنها حكاية أحمد دا اللي كان بالنسبالي لغز غامض الحمدلله إنه آخر يوم دراسه وخدت اجازه خلاص يعني مش هيلحق يكلمني ولا يشوفني .
بس اللي حصل انه ابويا جه بعد اربع ايام وقال لأمي إنه فيه عريس متقدم لبنتك قوليلها تجهز نفسها عشان جايين يشوفوها بعد بكره وامي جايه فرحانه تزفلي الخبر
يوووووووه بقى !!! هو احنا مش هنخلص منها السيره الزفت دي ! كل شويه ينطلي واحد !
يعني ايه يا روح امك عايزه تعنزي وتقعدي في وشي انتي كمان مش كفايه عليا سعاد وقرفها اللي ما رضيت تقبل بحد حتى !
يا أمي وانا مالي ومال سعاد هي عنزت تتفلق بس انا صغيره ولسه 22 سنه ح مستعجله على جوازي ليه !!
عشان لو فضلتيلي كده هيفضل المحروس بتاعك دا كل شويه رايح جاي ويقرفنا دا عدت سنه وهو لسه مش راضي حتي يحل عننا كل شويه يرجع لابوكي ويطرده .
محمد رجع تاني ! امتى الكلام دا ! وليه مش بتقوليلي عن اي حاجه تخصه

دي حاجه ما تخصكيش ويلا عشان تعملي حسابك الجماعه جايين بعد بكره .
راحت وهيا بتضحك وفرحانه اني هتخطب وفضلت انا افكر يا ترى مين دا اللي جايلي معقول لسه فيه ناس بتتجوز كده هو احنا في العصر الحجري ولا ايه !
المهم ما